паналау ғимараттарының желдеткіші

(Вентиляция убежища)

паналау ғимаратында тазартылған ауаның берілуі мен бірдей мөлшерде бөлінуін және онда паналаушылар болған барлық уақыт ішінде температуралық-ылғалдық режіммен ауаның құрамының қалыпты сақталуын қамтамасыз ететін желдету жүйелері орнатылады. Желдету жүйесі, әдетте, екі режімде жобаланады. Олар: таза желдету (І режім) және сүзіп желдету (ІІ режім). І режім кезінде паналау ғимаратына тозаңнан тазартылған сырттағы ауаның берілуі, оның қажетті алмасуы қамтамасыз етілуге тиіс. ІІ режім жағдайында сыртқы ауаны газ тектес заттардан, аэрозольдер мен тозаңнан тазарту көзделеді.

І режім бойынша паналау ғимараттарына сырттан берілетін ауа мөлшері оның температурасына, ылғалдылығына байланысты белгіленеді, ол бір паналаушыға шаққанда І режім бойынша 13 м3/сағ., ІІ режімде 8 м3/сағ болуы керек. Желдету жүйесіне мыналар кіреді: бөлек ауа жинау және айдау арналары, кеңейткіш камералы жарылысқа қарсы құрылғылар, сүзгі-сорғыш, электрлі қол желдеткіштері, ауа жолдарының тарату жүйесі, ауа өткізбейтін клапандар, регенерация құралдары, жылу жиналатын сүзгілер, артық қысым клапандары, бақылау аспаптары кіреді. Жерге жақын ауаның зиянды заттармен, жанған өнімдермен газдануы мүмкін жерлерде паналау ғимараттары ішіндегі ауаны регенерациялаған (ІІІ режім) жөн. Радиациядан қорғайтын паналар орнатылады немесе ауа механикалық амалмен тазартылады, оның ауаны сүзу коэффициенті 0,8-ден кем болмауы керек.